Հունիսի 5-ին և 8-ին Վրաստանի ֆուտբոլի ազգային հավաքականը կանցկացնի ընկերական հանդիպումներ Ֆարերյան կղզիների և Կաբո Վերդեի հավաքականների հետ։
Մարզիչ Վիլի Սանիոլը արդեն հայտարարել է, որ հունիսին դարպասապահ Գիորգի Մամարդաշվիլիին հանգստանալու հնարավորություն կտա, իսկ նրա փոխարեն խաղը կվստահվի Լուկա Գուգեշաշվիլիին։ Հնարավոր է նաև դաշտում տեսնենք Դավիթ Կերեսելիձեին և Գիորգի Մակարիձեին։
Պաշտպանությունում ևս կան փոփոխություններ․ Սաբա Գոգլիչիձեն երիտասարդական առաջնությունում է հանդես գալու, հետևաբար հիմնական կազմում հնարավոր է խաղա Իվա Գելաշվիլին:
Առաջիկա խաղերում հանդես չեն գա կիսապաշտպաններ Գիորգի Քոչորաշվիլին, Գիորգի Ծիտաիշվիլին և Գիորգի Չակվետաձեն: Հնարավոր է նրանց փոխարինեն Սանդրո Ալթունաշվիլին, Գիորգի Զարիան, հավանական է նաև` Նիկա Կվերսկվիրին:
Հարձակվողներից Բուդու Զիվզիվաձեն վերջերս ապաքինվել է, սակայն նրա մասնակցությունը դեռևս հարցականի տակ է, իսկ Գիորգի Միքաուտաձեն կարող է թիմին միանալ, եթե մարզիչը նրան հանգստանալու հնարավորություն չտրամադրի։ Խվիչա Կվարացխելիան նույնպես, ամենայն հավանականությամբ, հունիսյան խաղերը բաց կթողնի ծանր մրցաշրջանից հետո։
Հարձակման գծում շանս է տրվելու Գիորգի Գուլիաշվիլիին և հավանաբար Յուրի Տաբատաձեին:
