Վրաստանում Եվրամիության պատվիրակության անդամ և ընդլայնման ծրագրերի պատասխանատու Սաիմոն Վանդերբրուկի մուտքը մերժվել է երկիր։ Վրաստանում Եվրոպական Միության պատվիրակությունը հաստատել է այս լուրը։ Վրաստանի արտաքին գործերի նախարարության (ԱԳՆ) պարզաբանմամբ` Վանդերբրուկին Վրաստան մուտքի մերժումը «տեխնիկական թյուրիմացություն» է։
Արևմտյան քաղաքական գործիչներն արձագանքել են մայիսի 22-ին «Կոալիցիա փոփոխությունների համար»-ի առաջնորդ Զուրաբ Ջափարիձեի ձերբակալությանը և պահանջել նրա անհապաղ ազատ արձակումը և Վրաստանի վերադարձը դեպի եվրոպական ապագա տանող ուղի։ Վրաստանի հինգերորդ նախագահ Սալոմե Զուրաբիշվիլին արձագանքել է Ջափարիձեի ձերբակալությանը: Վրաստանում Մեծ Բրիտանիայի դեսպանատունը նույնպես արձագանքել է Ջափարիձեի ձերբակալությանը:
Բելառուսի ավտորիտար առաջնորդ Ալեքսանդր Լուկաշենկոն Վրաստանում իր դեսպան Նիկոլայ Ռոգաշուկին նշանակելիս հայտարարել է, որ Մինսկն աջակցում է «օսերի, աբխազների և վրացիների խաղաղ համակեցությանը»։
«Վրացական երազանք»-ի կառավարության նախագահ Միխեիլ Կղավելաշվիլին գոհ է Վրաստանի վերաբերյալ կոնգրեսական Ջո Ուիլսոնի հարցին ԱՄՆ պետքարտուղար Մարկո Ռուբիոյի պատասխանից։
«Փոփոխությունների համար» կոալիցիայի առաջնորդ Նիկա Մելիան հայտարարել է, որ չի մասնակցի մայիսի 29-ին Թբիլիսիի քաղաքային դատարանում իր դեմ կայանալիք դատական նիստին։
Թբիլիսիի սակրեբուլոն (քաղաքային խորհուրդ), որտեղ «Վրացական երազանք» կուսակցությունը մեծամասնություն է, Զուրաբ Աբաշիձեին ընտրեց սակրեբուլոյի նախագահ։
2024 թվականին Վրաստանում մեկ տնային տնտեսության ամսական միջին եկամուտը (կանխիկ և ոչ կանխիկ) նախորդ տարվա համեմատ աճել է 10.1 տոկոսով և կազմել 1896 լարի, իսկ մեկ շնչի հաշվով ամսական միջին եկամուտն աճել է 13.2 տոկոսով և կազմել 590 լարի։
2024 թվականին Վրաստանի դատախազությունը փողերի լվացման գործերով իրականացրել է 45 միլիոն լարի արժողությամբ ակտիվների առգրավման և բռնագրավման գործողություն։ Այս ցուցանիշը 11.4%-ով ցածր է 2023 թվականի ցուցանիշից։
2025 թվականի առաջին եռամսյակի տվյալներով՝ Վրաստանում աշխատավարձ ստացողների ընդհանուր թիվը կազմում է 963 հազար մարդ։
Վրաստանի մրցակցության և սպառողների պաշտպանության գործակալությունը (GCCA) ավարտել է ավտոմեքենա ներմուծողների համատեղ բողոքի հիման վրա հարուցված գործի քննությունը և հաստատել «Ռուսթավի ավտոշուկա» ՍՊԸ-ի և «Միկադո Ջորջիա» ՍՊԸ-ի կողմից գերիշխող դիրքի չարաշահման փաստը։ Այս տեղեկությունը տարածել է գործակալությունը։
Վրաստանի անկախության օրվան նվիրված միջոցառումների նախապատրաստական աշխատանքների պատճառով վերջին օրերին Թբիլիսիի կենտրոնական փողոցներում երթևեկությունը սահմանափակվել է:
