Էկոնոմիկայի նախկին փոխնախարար Ռոմեո Միքաուտաձեի դեմ խափանման միջոց է կիրառվել կալանքը։

Որոշումը կայացրել է դատավոր Արսեն Կալատոզիշվիլին։

Մեղադրող կողմը միջնորդել է կիրառել կալանք, իսկ պաշտպանող կողմը միջնորդել է մեղադրյալին ազատ արձակել 100 հազար լարի գրավի դիմաց. դատավորը բավարարել է մեղադրող կողմի միջնորդությունը։

Ռոմեո Միքաուտաձեն մեղադրվում է պաշտոնեական լիազորությունների չարաշահմամբ խոշոր չափի եկամուտ ստանալու համար։ Հոդվածը որպես պատժի ձև և չափ նախատեսում է մինչև 12 տարի ազատազրկում։

Դատախազության մեղադրանքի համաձայն՝ Ռոմեո Միքաուտաձեն, որը 2017-ից 2024 թվականներին տարբեր գերատեսչություններում զբաղեցրել է բարձր պաշտոններ, համակարգված կերպով չարաշահել է իր պաշտոնեական լիազորությունները, ինչը զուգորդվել է բացառիկ խոշոր եկամուտ ստանալու հետ։