Վրաստանի բանտերում բանտարկյալների թիվն արագորեն աճում է։

2025 թվականի օգոստոսին բանտերում 1432-ով ավելի տղամարդ և 100-ով ավելի կին բանտարկյալներ կային, քան նույն տարվա հունվարին։

Օգոստոսի դրությամբ բանտարկյալների 23.1 տոկոսը նախնական կալանքի տակ են. 6 ամիս առաջ նախնական կալանավորվածների բաժինն ընդհանուր թվի մեջ կազմում էր 19.8 տոկոս:

Ազգային վիճակագրության բյուրոյի տվյալներով՝ Վրաստանում բանտարկյալների ընդհանուր թիվը մոտենում է բանտերում տեղերի թվի վերին սահմանին։

Քրեակատարողական համակարգի 14 հաստատություններում բանտարկյալների համար նախատեսված է ընդհանուր առմամբ 12 հազար 332 տեղ, չնայած այս թիվը ավելի մեծ է, քան բանտարկյալների թիվը, օգոստոսին Քսանիում՝ 15-րդ հաստատությունում, թույլատրվածից 251-ով ավելի բանտարկյալ կար, Քութաիսիում՝ 111-ով ավելի, Գլդանիում՝ 418-ով։ Քրեակատարողական ծառայությունը նշել է, որ հնարավոր է որոշակի բանտերում տեղավորել նշված թվից ավելի շատ բանտարկյալների՝ առանց նրանց կենցաղային վիճակը վատթարացնելու։

Վրաստանը 2015 թվականից ի վեր մինչև 2024 թվականը տասը հազարից ավելի բանտարկյալ չի ունեցել։