Վրաստանից Ռուսաստան է ներմուծվել 34 հազար 600 օգտագործված մեքենա, հայտնել է «Ազատություն» ռադիոկայանը` վկայակոչելով ռուսական «Ավտոստատ» վերլուծական գործակալության տնօրեն Սերգեյ Ցելիկովին, որն այդ տվյալը հրապարակել է իր Telegram ալիքում։

Նա պնդել է, որ այդ տվյալը երեք անգամ (+218 տոկոս) ավելի է նախորդ տարվա նույն 11 ամիսների տվյալներից։

«Ազատություն» ռադիոկայանը հաղորդել է, որ Ցելիկովը կրկին հաստատել է լրատվամիջոցներում նախկինում հրապարակված հաղորդագրություններն այն մասին, որ Վրաստանում արտահանման համար գրանցված մեքենաներն ուղարկվում են Ռուսաստան՝ շրջանցելով արևմտյան պատժամիջոցները։