Իրանում տեղի ունեցող զանգվածային բողոքի ցույցերի պայմաններում Վրաստանում Իրանի նոր դեսպան է նշանակվել։ Նախորդ դեսպանի լիազորությունների ժամկետն ավարտվել էր դեկտեմբերի վերջին։

Վրաստանում Իրանի Իսլամական Հանրապետության նոր դեսպանը Սեյեդ Ալի Մոջանին է, որը, ըստ տեղեկության, Իրանի պետական կառույցներում աշխատանքի բազմամյա փորձ ունեցող դիվանագետ է։ Նա բազմիցս ճանապարհորդել է նաև Վրաստանում։

Նորանշանակ դեսպանը հայտարարել է, որ Իրանի նախագահ Մասուդ Փեզեշքիանը հանձնարարել է իրեն ուժեղացնել «երկկողմ և բազմակողմ երկխոսությունը» Վրաստանի հետ և ընդգծել է «կառուցողական միջտարածաշրջանային համագործակցության» կարևորությունը։

Վրաստանում դեսպանի պաշտոնում իր նշանակումից երկու ամիս առաջ՝ 2025 թվականի նոյեմբերին, Մոջանին X-ի իր անձնական էջում սկսել է գրել Վրաստանի մասին՝ հիմնականում վրաց-իրանական մշակութային և տնտեսական հարաբերությունների շուրջ։