Վրաստանի կրթության, գիտության և երիտասարդության նախարար Գիվի Միքանաձեն Դուբայում հանդիպել է Արաբական Միացյալ Էմիրությունների կրթության նախարար Սառա բինթ Իուսեֆ Ալ Ամիրին։
Ըստ Կրթության նախարարության մամուլի հաղորդագրության` կողմերը համագործակցության ամրապնդման նպատակով ընդգծել են երկու երկրների նախարարությունների միջև ստորագրված հուշագրի իրականացման կարևորությունը։
«Նախարարները պայմանավորվել են ստեղծել աշխատանքային խումբ, որի ներկայացուցիչները մոտ ապագայում կանցկացնեն իրենց առաջին հանդիպումը։
Գիվի Միքանաձեն գործընկերոջը մանրամասն տեղեկատվություն է տրամադրել Վրաստանի կրթական համակարգում իրականացվող բարեփոխումների վերաբերյալ։
Իր հերթին, ԱՄԷ կրթության նախարարը Գիվի Միքանաձեին ներկայացրել է ուսումնական գործընթացում արհեստական բանականության ներդրման փորձը և այդ ուղղությամբ իրականացված նախաձեռնությունները։
Կողմերը պայմանավորվել են փոփոխություններ կատարել հուշագրում։ Փաստաթուղթը կստորագրվի այս տարի՝ Արաբական Միացյալ Էմիրությունների կրթության նախարարի Վրաստան կատարելիք այցի շրջանակներում»,- ասված է հաղորդագրության մեջ։
