Լիտվայում ընթանում է Ռուսաստանից պատվիրված երկու սպանության նախապատրաստման գործի հետաքննությունը։ Կասկածյալների թվում Վրաստանի քաղաքացի կա։

Հունաստանի Սալոնիկ քաղաքի վերաքննիչ դատարանը որոշում է կայացրել, որ 2026 թվականի փետրվարին Սալոնիկում եվրոպական կալանքի օրդերի հիման վրա ձերբակալված և ռուսական լրտեսական ցանցի հետ համագործակցելու համար կասկածվող 55-ամյա տղամարդը պետք է արտահանձնվի Լիտվային։

Հետաքննության տվյալներով՝ այս ցանցը նախապատրաստում էր Ռուսաստանին քննադատող քաղաքական խորհրդականի և Ռուսաստանից Լիտվա փախած 46-ամյա ակտիվիստի սպանությունը։

Տեղեկության համաձայն՝ կասկածյալը, որի արտահանձնման որոշումը կայացրել է Սալոնիկ քաղաքի դատարանը, ազգությամբ հույն Վրաստանի քաղաքացի է։ Նա հերքում է հանցագործությանն իր մասնակցությունը և բողոքարկելու է Սալոնիկ քաղաքի վերաքննիչ դատարանի որոշումը Հունաստանի Գերագույն դատարանում։