Մառնեուլիի մունիցիպալիտետի հայաբնակ Աղքյորփի գյուղի դպրոցը կսկսի գործել սեպտեմբեր ամսից, MarneuliFM-ի փոխանցմամբ հայտնել է Տեղական ռեսուրսների կենտրոնի ղեկավար Ալի Գախրամանովը` նշելով որ Մառնեուլիում ներկայումս կառուցվում է հինգ նոր դպրոց։
Գախրամանովի խոսքով՝ դպրոցների շինարարությունը կավարտվի մինչև այս տարվա սեպտեմբեր, որից հետո իրենք կընդունեն աշակերտներ նոր ուսումնական տարվա համար։
Սեպտեմբերին, բացի Աղքյորփիից, բացմանը պատրաստ կլինեն նաև հետևյալ դպրոցները.
- Ալգեթի գյուղի թիվ 1 հանրային դպրոցը,
- Դիդի Բեգլիարիի հանրային դպրոցը,
- Իմիրի գյուղի հանրային դպրոցը,
- Աղմամեդլո գյուղի հանրային դպրոցը:
Տեղեկության համաձայն, ընթացքի մեջ է նաև Ախրոմախմուդլո գյուղի հանրային դպրոցի օժանդակ շենքի շինարարությունը, որը նախատեսվում է ավարտել հունվարին։
