Վրաստանում Եվրամիության դեսպան Պավել Հերչինսկիի կարծիքով, շատ կարևոր է, որ դիվանագիտական հանրության և Վրաստանի վարչապետի, ինչպես նաև ողջ կառավարության միջև տեղեկատվության փոխանակումը հնարավորինս ինտենսիվ լինի:
ԵՄ դեսպանը հաստատել է, որ այսօր երեկոյան հանդիպելու են Վրաստանի վարչապետ Իրակլի Ղարիբաշվիլիին: Հերչինսկին նշել է՝ ինտենսիվ հանդիպումները հատկապես կարևոր են հիմա, երբ Վրաստանը սպասում է թեկնածության կարգավիճակի մասին որոշմանը:
«Եվրահանձնաժողովը հոկտեմբերին կներկայացնի ընդլայնման մասին զեկույցը, այնուհետև ԵՄ առաջնորդները՝ ԵՄ անդամ 27 երկրները, կորոշեն հետագա քայլերը»,- նշել է դեսպանը։
