Վրաստանի առողջապահության նախկին նախարար և իշխող «Վրացական երազանք» կուսակցության պատգամավոր Դավիթ Սերգեենկոն վայր է դնում պատգամավորական մանդատը:
Այս մասին հայտնի է դարձել ընթացակարգային հարցերի և կանոնակարգի հանձնաժողովի նիստի օրակարգից։ Հուլիսի 14-ին, ժամը 12:00-ին կայանալիք հանդիպմանը պետք է քննարկվի Սերգեենկոյի մանդատի վաղաժամկետ դադարեցման հարցը:
Սերգեենկոն ներկայումս Մարդու իրավունքների և առողջապահության հանձնաժողովների անդամ է:
Ի դեպ, նա այն պատգամավորներից էր, որ չէր աջակցել «Օտարերկրա ազդեցության թափանցիկության մասին» օրենքին:
Հիշեցնենք՝ մարտի 7-ին Վրաստանի խորհրդարանի 76 պատգամավորներ առաջին ընթերցմամբ աջակցել են ռուսական օրինագծին, որի նպատակը երկրում լրատվամիջոցների և քաղաքացիական սեկտորի վարկաբեկումն ու սահմանափակումն էր:
