Վրաստանի պետական անվտանգության ծառայությունը (ՊԱԾ) տեղեկություն է տարածել մարտի 26-ին ռուսական օկուպացիոն ուժերի ձերբակալած նախկին զինծառայող Լևան Մաչաբելիի ազատ արձակման մասին։
Մաչաբելին մի քանի ամիս ապօրինի ազատազրկումից հետո գտնվում է Վրաստանի կենտրոնական կառավարության վերահսկողության տակ գտնվող տարածքում։
Այս պահին օկուպացիոն ուժերի կալանքի տակ է մնում մեկ այլ նախկին զինծառայող Մամուկա Չխիկվաձեն, որը, պայմանական սահմանը հատելուց բացի, մեղադրվում է նաև Ցխինվալիում թմրանյութեր պահելու և տեղափոխելու համար։ 2022 թվականի մայիսին, Վրաստանից չվերահսկվող Ցխինվալիի դե ֆակտո դատարանը նրան դատապարտել է 5 տարի 6 ամիս ազատազրկման։
2022 թվականի հուլիսի 13-ի տվյալներով՝ Ցխինվալիի օկուպացիոն ռեժիմի մեկուսարանում իրենց պատիժն են կրում ապօրինի ձերբակալված Վրաստանի 7 քաղաքացիներ։
