2023 թվականի ապրիլին Քութայիսիի Դավիթ Աղմաշենեբելիի անվան միջազգային օդանավակայանում ուղևորահոսքը հասել է օդանավակայանի պատմության պատմական առավելագույնին, տեղեկացնում է Վրաստանի օդանավակայանների միությունը։

Ապրիլ ամսին օդանավակայանից օգտվել է 122 հազար 410 ուղևոր, իսկ նախահամաճարակային տվյալները հետևյալն են՝ 2019 թվականի ապրիլին՝ 67 հազար 530 ուղևոր։

Բացի ուղևորահոսքից, 2022 թվականի ապրիլին Քութայիսիի միջազգային օդանավակայանում թռիչքների թիվը նույնպես մոտեցել է պատմական առավելագույնին։ Ապրիլին օդանավակայանում թռիչքներն աճել են 64 տոկոսով և հասել 359-ի։

2023 թվականի առաջին չորս ամսում Քութայիսիի միջազգային օդանավակայանը սպասարկել է 375 հազար 459 ուղևորի և 1213 չվերթ։ Ուղևորահոսքը 2019 թվականի համեմատ աճել է 67 տոկոսով, իսկ թռիչքների թիվը՝ 62 տոկոսով։

Նշենք, որ Քութայիսիի միջազգային օդանավակայանում այս պահի դրությամբ գործում է 5 ավիաընկերություն։