Վրաստանում կորոնավիրուսի տարածման, կանխարգելման և կառավարման մասին տեղեկություն հաղորդող Stopcov.ge կայքում հրապարակված տեղեկատվության համաձայն՝ ինտենսիվ թեստավորման շրջանակներում վերջին 24 ժամվա ընթացքում Վրաստանում իրականացվել է 17 527 թեստավորում, այդ թվում՝ 13 948-ը հակագեն, 3 579-ը PCR թեստով։

Թեստավորման արդյունքում վերջին 24 ժամում հայտնաբերվել է կորոնավիրուսային վարակի 3 115 նոր դեպք։ Կորոնավիրուսի համավարակի սկզբից ի վեր հանրապետությունում հաստատված դեպքերի ընդհանուր թիվը 1 619 274 է։ 

Երկրում հայտնաբերված վարակի 3 115 նոր դեպքից 1 347-ը Թբիլիսիում է։ Պատկերը մյուս շրջաններում.

• Աջարիա՝ 125,
• Իմերեթի՝ 461,
• Քվեմո Քարթլի՝ 153,
• Շիդա Քարթլի՝ 189,
• Գուրիա՝ 178,
• Սամեգրելո-Զեմո Սվանեթի` 266,
• Կախեթի` 220
• Մցխեթա-Մթիանեթի` 77,
• Սամցխե-Ջավախեթի` 57,
• Ռաճա-Լեչխումի և Քվեմո Սվանեթիի` 42: 

Վրաստանում վարակման ակտիվ դեպքերը 73 351-ն են, նրանցից 3 025-ը բուժվում է հիվանդանոցներում, որից՝

• 1 146-ը՝ Թբիլիսիի հիվանդանոցներում,
• 305-ը՝ Աջարիայում,
• 642-ը՝ Իմերեթիում։ 

Այս փուլում ծանր հիվանդ է 718 քաղաքացի։ Արհեստական ​​շնչառության սարք է միացված 250 քաղաքացու։ 

Տնային պայմաններում վիրուսից բուժվում է 70 326 քաղաքացի։