Կրոնական առաջնորդները շնորհավորել են Շիո III-ին՝ Սենակիի և Չխորոցկու նախկին մետրոպոլիտ Շիոյին (Մուջիրին), Վրաց Ուղղափառ եկեղեցու Կաթողիկոս-Պատրիարքի գահակալության կապակցությամբ։
Շիո III-ը, ի թիվս այլոց, շնորհավորանքներ է ստացել Տիեզերական պատրիարք Բարդուղիմեոսից և Վրաստանի կաթոլիկ եկեղեցու եպիսկոպոս Ջուզեպպե Պազոտոյից։
«Մեծ ուրախությամբ ընդունեցինք Ձերդ Սրբության արժանի ընտրության լուրը Համայն Վրաստանի հինավուրց և պատվավոր պատրիարքական գահին՝ հանգուցյալ և հավերժ անմոռանալի Կաթողիկոս-Պատրիարք Իլիա II-ից հետո, որը փայլուն և պատմական ծառայություն է մատուցել Վրաստանի պատվարժան եկեղեցուն և համայն ուղղափառությանը», — գրել է Բարդուղիմեոս III-ը։
Վրաստանի կաթոլիկ եկեղեցու եպիսկոպոս Ջուզեպպե Պազոտտոն մայիսի 13-ին Իտալիայի Վերոնա քաղաքից շնորհավորել է նոր Պատրիարքին գահակալության կապակցությամբ։
«Հոգևոր ուրախությամբ և խոր հարգանքով միանում եմ բոլոր կողմերից Ձեզ ուղղված շնորհավորանքների հոսքին՝ Վրաստանի 142-րդ Կաթողիկոս-Պատրիարք ընտրվելու և գահակալության կապակցությամբ», — գրել է նա Շիո III-ին։
