«Կփորձենք արդարացնել ժողովրդի ու խորհրդարանի ակնկալիքները»,- հայտարարել է ներքին գործերի նորանշանակ նախարար Վախտանգ Գոմելաուրին:
Նա պատգամավորներին շնորհակալություն է հայտնել կառավարության նոր կազմը հաստատելու համար, իսկ կառավարության անդամներին՝ հաջողություն մաղթել:
Գոմելաուրիի խոսքով, նախարարությունում մասշտաբային փոփոխություններ չի ծրագրում:
«Կլինեն չնչին փոփոխություններ»,- լրագրողների հետ ճեպազրույցում ասել է նա:
Ինչ վերաբերում է պետական անվտանգության ծառայության ղեկավարի թեկնածությանը, Գոմելաուրին նշել է, որ այս պահին նրա լիազորություններն իրականացնում է առաջին տեղակալը, իսկ նոր ղեկավարի անունը կորոշի թիմը:
