Վրաստանի կառավարության որոշմամբ՝ օկուպացված տարածքներում ապրող դիմորդները կկարողանան առանց միասնական ազգային քննությունների ընդունվել իրենց կողմից ընտրված բուհեր, իսկ նրանց ուսման վարձը լրիվությամբ կֆինանսավորի պետությունը:
Այս մասին հայտարարությունը տարածել է Վրաստանի ԿԳՄՍ նախարարությունը:
Առանց միասնական ազգային քննությունների կկարողանան ընդունվել և ձեռք բերել պետական դրամաշնորհ օկուպացված տարածքներում ապրող այն անձինք, որոնք վերջին 2 տարում սովորել են օկուպացված տարածքներում առկա կրթական հաստատություններում և որոնց ավարտական ատեստատը ընդունված է Վրաստանի ԿԳՄՍ նախարարության կողմից:
Հիշեցնենք՝ այսօր Վրաստանում մեկնարկեցին միասնական ազգային քննությունները, որոնք կավարտվեն հուլիսի 25-ին: Այս տարվա ընդունելության քննություններին գրանցվել է 39 300 դիմորդ:
Վրաստանում այսօր մեկնարկեցին միասնական ազգային քննությունները
