Դեկտեմբերի 3-ին աշխարհը նշում է Հաշմանդամություն ունեցող անձանց միջազգային օրը, որի նպատակն է բարձրացնել հանրային իրազեկվածությունն այդ անձանց իրավունքների վերաբերյալ:
2025 թվականին այս օրվա թեման է Հաշմանդամություն ունեցող անձանց համար ներառական հասարակության զարգացումը՝ սոցիալական առաջընթացը խթանելու համար, հայտնել է Վրաստանի Հանրային պաշտպանի գրասենյակը:
«Վրաստանում հաշմանդամություն ունեցող անձինք բախվում են մի շարք մարտահրավերների: Տարիներ շարունակ խնդիր է մնացել նրանց կարիքներին հարմարեցված պետական ծառայությունների բացակայությունը: Հատկապես նշվում է հաշմանդամություն ունեցող չափահաս անձանց համար վերականգնողական ծրագրերի բացակայությունը, ինչը բացասաբար է անդրադառնում նրանց անկախ կյանքի իրավունքի իրականացման վրա», — ասված է հայտարարության մեջ։
