Վրաստանի պաշտպանության նախկին նախարար Դավիթ Կեզերաշվիլին դատական ​​հայց է ներկայացրել ընդդեմ BBC-ի։

Կեզերաշվիլին նշել է՝ BBC-ի հոդվածում տեղ գտած պնդումները «ծայրահեղ կեղծիք» են, և BBC-ն չափազանց անպատասխանատու քայլ է արել` եթեր հեռարձակելով պատշաճ հիմք չունեցող այդ պատմությունը։

Ըստ Կեզերաշվիլիի՝ BBC-ի «ստերի հրապարակումից» հետո «վրացական ռեժիմը շարունակում է դա օգտագործել որպես քարոզչական գործիք»՝ վնասելու նպատակով իր հեղինակությունը` որպես քննադատական ​​հեռուստաալիք «Ֆորմուլա»-ի հիմնադրի և Վրաստանի ազատական ​​արժեքների պաշտպանի։

«Այս կեղծ ծրագիրն ընկավ հենց վրացական ռեժիմի ձեռքը, որն օգտագործում է BBC-ի «արժանահավատությունը»՝ սպառնալով իմ և իմ ընտանիքի անվտանգությանը…. Իմ հեղինակությունը պաշտպանելու համար ես չեմ նահանջի BBC-ի դեմ իրավական միջոցներ ձեռնարկելուց»,- ասել է Կեզերաշվիլին

Ի դեպ, BBC-ի լրագրողական հետաքննության համաձայն՝ Կեզերաշվիլին կանգնած է կիբերխարդախության միջազգային ցանցի թիկունքում, որը խաբեությամբ ավելի քան մեկ միլիարդ դոլար է վաստակել։

Կեզերաշվիլին հերքում է կիբերխարդախության միջազգային ցանցի հետ իր առնչությունը