Ռուսական հասարակական հետազոտական Левада-Центр կազմակերպության տվյալներով՝ Ուկրաինայի դեմ պատերազմի և հակաարևմտյան քարոզչության ֆոնին ռուսների դրական վերաբերմունքը Չինաստանի նկատմամբ հասել է իր գագաթնակետին. օգոստոսին Левада-Центр-ի անցկացրած հարցման համաձայն՝ հարցվածների 88 տոկոսը լավ է վերաբերվում Չինաստանին, իսկ 5 տոկոսը՝ բացասական վերաբերմունք ունի:
Հարցման մասնակիցներին խնդրել են գնահատել իրենց վերաբերմունքը Չինաստանի, ԱՄՆ-ի, Էստոնիայի, Ուկրաինայի, Վրաստանի, Բելառուսի, Թուրքիայի և Եվրամիության նկատմամբ: Հատկանշական է, որ միայն Բելառուսն ունի Չինաստանի նման բարձր ցուցանիշներ՝ 88 տոկոս։
Հարցման համաձայն՝ հարցվածների մեծ մասը դրական է վերաբերվում Վրաստանին և Թուրքիային։
Յուրաքանչյուր հինգերորդ հարցվածը դրական վերաբերմունք է հայտնել ԱՄՆ-ի նկատմամբ, իսկ 71 տոկոսը՝ բացասական։
Левада-Центр-ի սոցիոլոգները նշել են, որ ռուսների մեծ մասը պատերազմի պատճառով բացասական է վերաբերվում արևմտյան երկրներին և Ուկրաինային։ Ուկրաինայի նկատմամբ վերաբերմունքը մնում է միշտ վատ՝ 66 տոկոս. 23 տոկոսը դրական է վերաբերվում Ուկրաինային: Բացի այդ, ռուսաստանցիների մեծամասնությունը դրական է վերաբերվում Եվրամիությանը՝ 65 տոկոսը։
Հարցմանը մասնակցել է 1 612 մարդ Ռուսաստանի 50 շրջաններից։
Левада-Центр-ը պարբերաբար իրականացնում է սեփական սոցիոլոգիական հետազոտություններ, որոնց մեծ մասը հրապարակվում է կայքում:
