Քութայիսիի Լադո Մեսխիշվիլիի անվան թատրոնում ապրիլի 22-ին մեկնարկել են ԼԳԲՏ իրավունքները սահմանափակող նորմը Սահմանադրության մեջ ներառելու շուրջ քննարկումները։ Փոփոխության նախաձեռնողը իշխող «Վրացական երազանք» կուսակցությունն է։ Քննարկումներն անցել են հոմոֆոբ հայտարարությունների ֆոնին, որոնց ժպիտով են դիմավորել իշխող կուսակցության ներկայացուցիչները։
«Վստահ եմ, որ այս օրենքին չեն աջակցի ընդդիմության արմատական խմբավորումները, քանի որ նրանց դաշինքը և այս սեգմենտային խումբը, որը կոչվում է «պիդարաստ սեգմենտ», հանրահավաքում ընդդիմության հետ միասին սեր են խաղում»,- ասել է Խարագաուլիի քաղաքապետ Կոբա Լուրսմանաշվիլին:
Մամուկա Մդինարաձեն իր ելույթի ընթացքում ժպտացել է, իսկ Շալվա Պապուաշվիլին ասել է, որ «իրենց հայտարարություններում ճիշտ են եղել»։ Հանդիպմանը ներկա էին Իմերեթիի մարզի քաղաքապետերը, քաղաքային խորհրդի անդամները, ծառայությունների ներկայացուցիչներ, կուսակցության երիտասարդական կազմակերպությունների ներկայացուցիչներ:
Իշխող կուսակցությունը չունի բավարար ձայներ՝ գործող խորհրդարանում սահմանադրական փոփոխություններն ընդունելու համար, թեպետ նախագծի ընդհանուր քննարկումները սկսվել են։
Պատգամավորները, սահմանադրական փոփոխությունների շուրջ պատրաստվում են հանդիպել բնակիչների հետ Ամբրոլաուրիում՝ ապրիլի 23-ին, Օզուրգեթիում՝ ապրիլի 24-ին, Բաթումիում՝ ապրիլի 25-ին, Զուգդիդիում՝ ապրիլի 26-ին, Մեստիայում՝ ապրիլի 27-ին:
