Սուխումիի անկումից 26 տարի է անցել: Աբխազիայի պատերազմում զոհվածների հիշատակի օրը՝ սեպտեմբերի 27-ին, Վրաստանում իջեցվել են պետական դրոշները:
Սուխումն ընկավ 1993 թվականի սեպտեմբերի 27-ին: 13 ամիս և 13 օր տևած պատերազմը շուրջ 14 հազար մարդու կյանք խլեց, իսկ 300 հազար տեղահանված մնացին առանց օթևան:
Այսօր Վրաստանի խորհրդարանի ու կառավարության անդամները ծաղկեպսակներ են դնում Վրաստանի տարածքային ամբողջականության համար զոհվածների հուշահամալիրում:
