«Ալիք Մեդիան» «Վրաստան» թերթի հետ համագործակցության շրջանակներում շաբաթական կտրվածքով ներկայացնում է թերթում տեղ գտած գլխավոր նորություններից հատվածներ:
Հուլիսի 3-ի համարում՝
Ընդունվեցին ընտրական օրենսգրքի փոփոխությունները
Հունիսի 25-ին, երկօրյա քննարկումներից հետո, Վրաստանի խորհրդարանը՝ 95 ձայնով, երկրորդ ընթերցմամբ աջակցեց «Ընտրական օրենսգրքի փոփոխություններին:Քննարկմանն «Ընտրական օրենսգրքի փոփոխությունների մասին հիմնական զեկուցումը ներկայացնող խորհրդարանի կրթության եւ գիտության հանձնաժողովի նախագահ Շալվա Պապուաշվիլին անդրադարձավ՝ նախագծում առաջին ընթերցումից հետո արտացոլված փոփոխություններին եւ նշեց, որ նախորդ քննարկումների ընթացքում արտահայտված դիտողություններից եւ կարծիքներից մի քանիսը փաստաթղթում արդեն արտացոլված են: Բարեփոխման արդյունքում, տեղական ինքնակառավարման մարմինների ընտրություններում համամասնական մասնաբաժինը բարձրացվում է, եւ մեծամասնական ընտրությունների համար սահմանվում 40 տոկոսի ընտրաշեմ: Ընտրական հանձնաժողովը կհամալրվի 8 + 9 հավասարության սկզբունքով, Կենտրոնական ընտրական հանձնաժողովի նախագահն ընտրվելու է նոր կանոնների համաձայն: Ընտրական վարչակազմը ներգրավվելու է բոլոր երեք մակարդակներում` 7-ը մասնագիտական եւ 9-ը կուսակցության կողմից նշանակված անդամներով: Բացի այդ, ԿԸՀ նախագահի տեղակալի պաշտոնում կլինի ընդդիմադիր ներկայացուցիչ: Կներկայացվի ընդդիմության փոխնախագահի պաշտոնը, ընտրատեղամասերում կներդրվի 100 մետրանոց շառավիղ, եւ պատժամիջոցներ կսահմանվեն 100 մետրանոց շառավղի կանոնները խախտելու համար։
Ալյանսը դրական գնահատեց Վրաստանում իրականացվող բարեփոխումները
Հունիսի 30-հուլիսի 2-ին աշխատանքային այցով Թբիլիսիում էր գտնվում Հարավային Կովկասում եւ Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Ջեյմս Ապաթուրայը: Այցի ընթացքում Ջեյմս Ապաթուրայը հանդիպումներ ունեցավ Վրաստանի նախագահ Սալոմե Զուրաբիշվիլու, վարչապետ Իրակլի Ղարիբաշվիլու, խորհրդարանի նախագահ Կախա Կուճավայի, Արտաքին գործերի նախարար Դավիթ Զալկալիանու հետ: Մեկնաբանելով կայացած հանդիպումների արդյունքները, Հարավային Կովկասում եւ Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչը հայտարարեց, որ քննարկվել են ՆԱՏՕ-ին անդամակցության ուղղությամբ Վրաստանի կողմից իրականացվող քայլերը: — Մենք համաձայնեցինք, որ վերջին 10 տարվա ընթացքում հսկայական առաջընթաց է գրանցվել, եւ վերջերս կայացած գագաթաժողովում այդ առաջընթացը ճանաչվել է: Մենք քննարկել ենք տարածաշրջանային անվտանգության հարցը եւ ուզում եմ շեշտել, որ ՆԱՏՕ-ն տպավորված է Վրաստանի՝ Ադրբեջանին եւ Հայաստանին ռազմական գործողությունները հաղթահարելու եւ բանակցություններ սկսելու միջնորդո ղի եւ աջակցողի դերով: Սա եզակի դեր է, որը կարող է խաղալ միայն Վրաստանը: Ես շատ ուրախ եմ, որ Եվրամիության աջակցությամբ Վրաստանի խորհրդարանը կարողացավ կատարել անհրաժեշտ փոփոխություններ՝ նորից գործելու, կարեւոր բարեփոխումներ իրականացնելու համար,- ասաց Ջեյմս Ապաթուրայը: Վրաստանի նախագահ Սալոմե Զուրաբիշվիլին, Ջեյմս Ապա- թուրային՝ իր առաքելության ավարտման կապակցությամբ պարգեւատրեց «Ոսկե գեղմի» շքանշանով:
Ժնևի հերթական հանդիպումն ավարտվեց անարդյունք
Ինչպես արդեն հաղորդել ենք, հունիսի 30-ին Ժնեւում անցկացվեց բանակցությունների թվով 53-րդ հանդիպումը։ Եվրամիության անմիջական մասնակցությամբ, Վրաստանի եւ Ռուսաստանի կառավարությունների ներկայացուցիչների միջեւ կայացած այս հերթական հանդիպմանը, թեեւ միջազգային հանրության կողմից արվող խիստ հայտարարություններին, Մոսկվան իր դիրքորոշումը չփոխեց Վրաստանի կողմից որպես օրակարգի գլխավոր հարց առաջադրած օկուպացիոն վարչակազմերի կողմից երկրի քաղաքացիների ապօրինի ձերբակալությունների հարցում։ Բանակցություններում Ռուսաստանի ներկայացուցիչ ԱԳ փոխնախարար Անդրեյ Ռուդենկոն կտրականապես հերքեց այդ տարածքի բռնազավթման փաստը, նշելով, որ եթե խոսքը բռնազավթման մասին է, սույն բանակցությունները կորցնում են իմաստը։ Ավելին, նա մեկնաբանեց նաեւ դեռեւս հունվարին Ստրասբուրգի միջազգային դատարանի հայտնի որոշումը, ըստ որի՝ մարդու իրավունքների եվրոպական դատարանը Վրաստանի բռնազավթված տարածքներում արդյունավետ վերահսկողության իրականացումը վերապահում է Ռուսաստանին, հետեւաբար, այնտեղ տեղի ունեցող ապօրինի գործողությունների հա- մար պատասխանատու է Ռուսաստանը։ ԱԳ փոխնախա- րարը նշեց, որ այդ տարածքում տեղի ունեցող ձերբակալությունները, մասնավորապես, Զազա Գախելաձեի ձերբակալության հարցը չի մտնում Ռուսաստանի Դաշնության իրավասություննե- րի մեջ: — Դա Հարավային Օսեթի- այի իշխանության իրավասությունն է,- հայտարարեց Անդրեյ Ռուդենկոն։ Նշենք, որ Ժնեւում անցկացված բանակցություննե- րի 53-րդ հանդիպումը, նա- խորդների օրինակով, ավարտվեց անարդյունք։
Իմեդի. Մեկ օր մեծամասնական պատգամավորի հետ. Սամվել Մանուկյան
Վրացական ազդեցիկ «Իմեդի» հեռուստաընկերության «Մեկ օր մեծամասնական պատգամավորի հետ» հաղորդաշարն այս անգամ հյուրընկալվել էր Ախալքալաքի, պատմելու Վրաստանի խորհրդարանում Ախալաքալաքիի եւ Նինոծմինդայի մեծամասնական պատգամավոր Սամվել Մանուկյանի առաջնահերթությունների՝ ենթակառուցվածքային եւ կրթական ծրագրերի մասին: Տեսանյութում Սամվել Մանուկյանն ընդգծում է, որ այս ուղղությամբ շատ բան արդեն կարողացել է իրականացնել եւ պատրաստ է դիմակայել նոր մարտահրավերների, դրանցից առաջնահերթայինը համարելով ճա- նապարհաշինությունը: Պատգամավորը պատմում է Մեծ Խանչալի ու Կաթնատու գյուղերը միավորող ասֆալտապատ ճանապարհի շինարարարական աշխատանքների ընթացքի մասին, որի անմխիթար վիճակը խիստ մտահոգում էր տեղացիներին հատկապես ձմռանը: Ընտրություններում հաղթելուց անմիջապես հետո, տեղացինե- րի խնդրանքով, Սամվել Մանուկյանն անցավ խոստման կատարմանը՝ նախաձեռնելով 4 կմ ճանապարհահատվածի շինարարությունը: Ասում է, որ ճանապարհի կարգավորումը մեծապես կնպաստի գյուղատնտեսական ապրանքաշրջանառությանը: Ըստ Սամվել Մանուկյանի, ընդհանուր առմամբ, շրջանում գրունտապատված է մոտ 120 կմ ճանապարհ: Այդուհանդերձ, ըստ նրա, աշխատանքներն այս ուղղությամբ պետք է առավել ինտենսիվ դառնան: Եվ հատկապես այն ճանապարհահատվածը, որը միացնում է Ախալքալաքին Թբիլիսիի հետ: Մենք հնարավորություն կունենանք շատ արագ միանալ Թբիլիսի տանող ճանապարհին, որը շատ կարեւոր է նաեւ զբոսաշրջության տեսանկյունից,- ասում է Սամվել Մանուկյանը: Այս ճանապարհը կենսականորեն կարեւոր է նաեւ բարձրադիր գյուղերի բնակիչների համար, որպեսզի վերջիններս մոտ լինեն տարածաշրջանի կենտրոնական հատվածին: Այն հնարավորություն կտա գյուղացիներին գյուղատնտեսական իրենց ապրանքը արագ եւ նվազագույն ծախսերով տեղափոխել Թբիլիսի ու տարածաշրջանի այլ քաղաքներ:
«Վրաստանը» 100 տարեկան է
«ԿՈՎԿԱՍ», «ՄԵՂՈՒ ՀԱՅԱՍՏԱՆԻ» ԵՎ «ՄՇԱԿ» ԹԵՐԹԵՐԻ ԱՐԺԱՆԻ ԺԱՌԱՆԳՈՐԴԸ
ԼԵՎԱՆ ԹԱՔԹԱՔԻՇՎԻԼԻ Վրաստանի խորհրդարանի Ազգային գրադարանի փոխտնօրեն
Այս և այլ նորություններին կարող եք ծանոթանալ «Վրաստան» թերթի հուլիսի 3-ի համարում
