Վրաստանի արտաքին գործերի նախարարության փոխանցած տեղեկատվության համաձայն՝ Վրաստանի արտաքին գործերի նախարար Իլիա Դարչիաշվիլին ՄԱԿ-ի Գլխավոր ասամբլեայի նիստի շրջանակներում Նյու Յորքում հանդիպել է հունգարացի գործընկեր Պիտեր Սիարտոյի հետ։

Գործակալության տվյալներով՝ հանդիպման ընթացքում քննարկվել են տարածաշրջանում տեղի ունեցող գործընթացները և Վրաստանի եվրաինտեգրման օրակարգը։

«Նախարարները խոսել են երկրների միջև առկա համագործակցության, ինչպես նաև ոլորտային գերատեսչությունների և արտաքին գործերի նախարարությունների միջև բարձր մակարդակի աշխատանքային հանդիպումների պլանավորման մասին՝ տարբեր ոլորտները զարգացնելու նպատակով», — նշվում է ԱԳՆ-ի տարածած տեղեկատվության մեջ։