Ծալկայի կիրճի (Դաշբաշի կիրճ) վրա կառուցված 240 մետր երկարությամբ ապակե կամուրջը և տարբեր տեսարժան վայրերը, այդ թվում՝ ռեստորանը և զիփլայնը կբացվեն հունիսի 14-ին։
Վրաստանի կողմից չվերահսկվող Աբխազիայի ավիացիոն ընկերության տնօրեն Վյաչեսլավ Էշբայի խոսքով, Սուխումիի օդանավակայանի շահագործման վրա անխուսափելիորեն կանդրադառնա ռուսական «Ռոսավիացիայի» դեմ Արևմուտքի կողմից սահմանված պատժամիջոցները:
Վրաստանի կողմից չվերահսկվող Աբխազիայի դե ֆակտո արտաքին գործերի նախարարության նորաբաց մեդիա կենտրոնն իր տելեգրամյան ալիքում տարածված տեղեկատվության համաձայն, ասում է, որ Վրաստանի կառավարությունը, արևմտյան խորհրդականների նախաձեռնությամբ, միտում ունի վարկաբեկելու աբխազական պետական մարմինները և հակամարտություններ հրահրելու նրանց միջև:
Վրաստանի ներքին գործերի նախարարության (ՆԳՆ) տվյալներով՝ Վրաստանի պետական սահմանը հատելու պաշտոնական վիճակագրության համաձայն՝ 2022 թվականի ապրիլին Վրաստան է մուտք գործել Ռուսաստանի Դաշնության 48 հազար 797 քաղաքացի։
Քոբուլեթիի մայրուղու Չաքվիի հատվածում բախվել են բեռնատար և թեթև մարդատար ավտոմեքենաները։
Մայիսի 20-ին, Բորջոմիի Կանաչ մենաստանի մոտ տեղի ունեցած ավտովթարի հետևանքով 17-ամյա երիտասարդ է զոհվել, ևս երեքը վիրավորվել են։
Ախալքալաքի քաղաքապետ Մելքոն Մակարյանը Վերջին զանգի կապակցությամբ շրջանավարտներին շնորհավորական ուղերձ է հղել:
Թբիլիսիի Սուրբ Գեորգի եկեղեցում երեկ տեղի է ունեցել քաղաքացիական հոգեհանգստի արարողություն՝ ի հիշատակ ուկրաինական Իզյում քաղաքի մոտ տեղի ունեցած մարտերի ժամանակ զոհված վրացի կամավոր Ռատի Շուրգայի։
ԱՄՆ Պետդեպարտամենտի ղեկավարի ավագ խորհրդական Դերեկ Շոլլեն Վրաստան այցի հետ կապված հոդված է հրապարակել, որտեղ նշում է՝ 1992 թվականից ի վեր ԱՄՆ-ի օգնությունը Վրաստանին կազմում է մոտ 6 մլրդ դոլար։
Վրաստանի նախկին վարչապետ, իշխող «Վրացական երազանք» կուսակցության հիմնադիր, մեծահարուստ Բիձինա Իվանիշվիլին հերթական մեղադրանքն է ներկայացնում Credit Suisse-ին՝ բանկին մեղադրելով շվեյցարական դատական համակարգից օգտվելու մեջ։
Վրաստանի ազգային վիճակագրական ծառայության (Geostat) տվյալներով՝ 2022 թվականի առաջին եռամսյակում Վրաստանում գործազրկության մակարդակը նախորդ տարվա նույն ժամանակահատվածի համեմատ նվազել է 2,5 տոկոսային կետով և կազմել 19,4 տոկոս։
Պաշտոնական վիճակագրության համաձայն՝ տնտեսության 16 ոլորտներից 12-ում աշխատողներն աշխատում են շաբաթական 40 ժամից ավելի կանոնավոր հիմունքներով։
Վրաստանի աշխատանքի տեսչական ծառայությունը բացահայտել է անչափահասի հարկադիր աշխատանքի դեպք:
Վրաստանի քաղաքացի էթնիկ ադրբեջանցիներն իրավունք կունենան վերադառնալ իրենց պատմական ազգանվանը, ավելին՝ այստեղ:
Եվ վերջում՝ ֆինանսական Bloomberg առևտրային համակարգում ժամը 12:00-ին մեկ դոլարը վաճառվել է 2,9000 լարիով։
