Ռուսթավիի քաղաքային դատարանն առանց կանխարգելիչ միջոցներ ձեռնարկելու ազատ է արձակել 9-ամյա երեխայի նկատմամբ բռնություն գործադրելու մեջ մեղադրվող խորթ հորը:
Դատարանը ոչ միայն ազատազրկում չի կիրառել, այլև որպես խափանման միջոց գրավ չի կիրառել: Գործի դատական քննությունը շարունակվում է։
Դատախազության տվյալներով, երեխայի նկատմամբ ֆիզիկական բռնություն գործադրած տղամարդը ձերբակալվել է հուլիսի 7-ին: Տղամարդուն մեղադրանք է առաջադրվել Քրեական օրենսգրքի 126-րդ հոդվածի 2-րդ մասով՝ ընտանիքի անչափահաս անդամի նկատմամբ բռնություն գործադրելու համար։
Բռնության մասին առաջին անգամ սոցցանցերում գրել է հարևանուհին: Կինը նշել է, որ խորթ հայրը ականատեսների աչքի առաջ ֆիզիկական բռնության է ենթարկել երեխային:
