«Լավրովի հայտարարությունը ոչ նոր է, ոչ էլ հեղափոխական ինձ համար»,-այսպես է արձագանքել Վրաստանի Եվրաինտեգրման հարցերով պետնախարար Վիկտոր Դոլիձեն՝ անդրադառնալով ՌԴ-ի արտգործնախարար Սերգեյ Լավրովի հայտարարությանը։
Հիշեցնենք՝ Լավրովը անդրադառնալով Վրաստանի հետ առանց մուտքի արտոնագրի ռեժիմ սահմանելու հարցին, ասել էր, որ հարցը կախված է ոչ միայն դիվանագիտական հարաբերությունների վերականգնման, այլև տարածաշրջանի անվտանգության հետ: Նա մասնավորապես ակնարկել է, որ ահաբեկիչները որպես ներթափանցման ուղղություն կարող են օգտագործել Վրաստանի տարածքը։
Դելիձեն ասել է, որ Վրաստանի պատասխանը անփոփոխ է եւ կայուն. «Վրաստանն իր զարգացման ճանապարհի վրա է։ Երկիրը գրավիչ է ինչպես ներդրողների, այնպես էլ զբոսաշրջիկների համար: Մենք զարգանում ենք՝ փորձելով մեր քաղաքացիների համար ապահովել բարեկեցիկ կյանք: Այս նպատակներից ելնելով՝ մենք էլ ավելի կմոտենանք ՆԱՏՕ-ին ու եվրոպական ընտանիքին․ Դա կլինի տարածաշրջանային անվտանգության, ինչպես նաև Ռուսաստանի անվտանգության գրավականը»,- նշել է Դոլիձեն:
