Վրաստանում ամենատարածված կանացի անունը Նինոն է: Այս անունն է կրում երկրի ավելի քան 121 հազար քաղաքացի:

Հաղորդում է Վրաստանի պետական ծառայությունների զարգացման գործակալությունը: «Գռուզիա օնլայնի» փոխանցմամբ, սա թերևս կապված է այն բանի հետ, որ Նինո անունը հատուկ նշանակություն ունի երկրի  համար: Այդպես է կոչվել երկրի սուրբը:  Տարածվածությամբ երկրորդ տեղում Մարիամ անունն Է` մոտ  105 հազար:  Ամենահայտնի անունների  հնգյակում են հայտնվել նաև Թամար, Աննա և Նանա անունները: Ի դեպ, յուրաքանչյուր ոք  կարող է իմանալ իր անվանակիցների քանակը երկրում՝ ֆեյսբուքի միջոցով  գործակալությանը  հարցում ուղարկելով: