Թբիլիսիի վերաքննիչ դատարանը մերժել է փախստականի կարգավիճակ տրամադրել Թեմուր Քաթամաձեին։
Դատարանը որոշումը կայացրել է ապրիլի 29-ին։ Դատավճիռը բողոքարկման ենթակա չէ։
«Արտաքսման հիմքն այն է, որ անձը գտնվում է երկրում առանց օրինական հիմքի. անձը չունի քաղաքացիություն, բնակության իրավունք, փախստականի կարգավիճակ և այլն: Քանի որ պարոն Թեմուրին տարիներ շարունակ քաղաքացիություն չէր տրամադրվում, վերջերս մերժվել է նրա բնակության իրավունքը, իսկ հիմա մերժվել է փախստականի կարգավիճակը: Համապատասխանաբար, Վրաստանում գտնվելու իրավական հիմք նա չունի, և սա է արտաքսման պատճառը»,- Tabula-ի հարցին ի պատասխան պարզաբանել է «Վրաստանի երիտասարդ իրավաբանների ասոցիացիա»-ի (GYLA) փաստաբան Մարիամ Գաբրոշվիլին։
Հիշեցնենք. մարտի 18-ին կայացած դատական նիստում Թբիլիսիի քաղաքային դատարանը չբավարարեց Բաթումիի բողոքի ցույցերի առաջնորդ Թեմուր Քաթամաձեի՝ իրեն միջազգային պաշտպանություն տրամադրելու խնդրանքը, որը ենթադրում է փախստականի կարգավիճակ և մարդասիրական կամ լրացուցիչ պաշտպանության կարգավիճակ։
Թեմուր Քաթամաձեն ձերբակալվել է հունվարի 11-ին Բաթումիում տեղի ունեցած բողոքի ցույցի ժամանակ Վարչական իրավախախտումների վերաբերյալ օրենսգրքի 173-րդ հոդվածով` անհնազանդություն ոստիկանի պահանջին
