Վրաստանում առնվազն 400 ներքին տեղահանված անձանց կտրամադրվեն սարքավորումներ և գործիքներ՝ ինքնազբաղվածությունը խթանելու համար:
Տեղեկությունը հրապարակել է Առողջապահության նախարարությունը: Գործակալության մամուլի հաղորդագրության մեջ նշված չէ, թե երբ կամ որ տարածաշրջանում կտրամադրվեն սարքավորումները ներքին տեղահանվածներին, նշված է միայն, որ ծրագրի նպատակն է աջակցել ներքին տեղահանվածների ու էկոմիգրանտների մասնագիտական գործունեությանը և նրանց համար եկամտի աղբյուր ստեղծել։
«Հաղթող նախագծերը հանձնաժողովն ընտրել է նախապես որոշված չափանիշներին համապատասխան: Ծրագրի մասնակիցներն իրենք են ընտրել այն մասնագիտական գործիքները, որոնք կօգնեն նրանց սկսել կամ ընդլայնել իրենց գործունեությունը։
Վերաբնակեցմանը զուգահեռ, ներքին տեղահանվածների համար լրացուցիչ եկամտի աղբյուր ստեղծելու հոգսը ներքին տեղահանվածների և էկոմիգրանտների գործակալության գործունեության կարևոր մասերից մեկն է: Ամեն տարի իրականացվում են մի շարք նպատակային ծրագրեր նրանց կենսապահովման միջոցներով ապահովելու համար», — նշել է Առողջապահության նախարարությունը:
