Խաշուրիի մունիցիպալիտետի Օսիաուրի գյուղում կաթի վերամշակման արտադրության ապօրինի գործունեությունը կասեցվել է։

Ըստ Ազգային սննդի գործակալության՝ Շիդա Քարթլիի տարածաշրջանային վարչության տեսուչները, հետաքննության հիման վրա, Խաշուրիի մունիցիպալիտետում հայտնաբերել են կաթի անօրինական վերամշակման ձեռնարկություն։

«Առանց տնտեսական գործունեության գրանցամատյանում գրանցվելու և գործակալության պարտադիր ճանաչման, նրանք արտադրում էին պանիր հետագա վաճառքի համար՝ կոպտորեն խախտելով սանիտարահիգիենիկ պահանջները։ Հայտնաբերված խախտումների համար ձեռնարկատերերը տուգանվել են, և արտադրական գործընթացը կասեցվել է», — ասված է գործակալության հաղորդագրության մեջ։

Ազգային սննդի գործակալությունը կրկին կոչ է արել տնտեսվարողներին չարտադրել և/կամ չվերամշակել կենդանական ծագման սնունդ առանց գրանցման ու ճանաչման և պահպանել սննդի անվտանգության պահանջները։