Վրաստանի քաղաքացիական ավիացիայի գործակալությունը հայտարարություն է տարածել իրանական ավիաընկերությունների դեմ ԱՄՆ-ի կիրառած պատժամիջոցների վերաբերյալ՝ նշելով, որ վրացական կողմը կգործի «միջազգային պատժամիջոցների ռեժիմին լիովին համապատասխան»։
«Վրաստանն ակտիվորեն պաշտպանում և ապահովում է մեր միջազգային գործընկերների կիրառած պատժամիջոցների կատարումը։ Սա վերաբերում է նաև ավիացիոն ոլորտին», — ասված է գործակալության հայտարարության մեջ։
Հատկանշական է, որ իրանական ավիաընկերությունները, որոնց նկատմամբ ԱՄՆ-ը պատժամիջոցներ է կիրառել սեպտեմբերի 8-ին, սեպտեմբերի 10-ի դրությամբ շարունակում են չվերթեր իրականացնել դեպի Վրաստան։
