2003 թվականին ծնված անձը ձերբակալվել է 15-ամյա աղջկա ինտիմ լուսանկարներ ու տեսանյութեր ձեռք բերելու, այնուհետև սոցիալական ցանցերում դրանք վաճառելու մեղադրանքով։
Տեղեկությունը տարածել է Վրաստանի հատուկ քննչական ծառայությունը։
Քննչական ծառայության տվյալներով՝ մեղադրյալը սոցցանցի միջոցով ծանոթացել է աղջկա հետ, շահել նրա վստահությունը, նրանից ստացել ինտիմ լուսանկարներ ու տեսանյութեր, այնուհետև, սոցցանցում կեղծ աքաունթ ստեղծելով, նշված լուսանկարներն ու տեսանյութերը վաճառել է այլ անձանց։
Ամբաստանյալի հեռախոսի մեջ հայտնաբերվել են տուժողի ինտիմ լուսանկարներն ու տեսանյութերը, ինչպես նաև դրանց վաճառքը հաստատող նամակագրությունը։
Նախաքննությունն իրականացվում է Վրաստանի քրեական օրենսգրքի 157-րդ հոդվածով` անձնական կյանքի գաղտնիքի խախտում, որը նախատեսում է 6-ից 9 տարի ժամկետով ազատազրկում։
Հեղինակ՝ Հասմիկ Պետրոսյան, ստաժոր
