«Մայրաքաղաքում անվճար էլեկտրական լիցքավորիչներ տեղադրելու գործընթացը շարունակվում է: Լիցքավորիչներն արդեն տեղադրված են Գլդանիում, Սաբուրթալոյում, Նադզալադևիում, Դիդուբեում, Վակեում, Սամգորիում, Չուղուրեթի և Իսանի թաղամասերում», — այս մասին մայրաքաղաքի կառավարման նիստում հայտարարել է Թբիլիսիի քաղաքապետ Կախա Կալաձեն:
Ըստ նրա, անցկացված աճուրդի պայմանների համաձայն, մայրաքաղաքի ամբողջ տարածքում 60 էլեկտրական լիցքավորիչ կտեղադրվի՝ երկու փուլով:
«Մենք ստեղծել ենք հատուկ առցանց հարթակ՝ WWW.CHARGERS.TBILISI.GOV.GE, որտեղ ավտոմեքենաների սեփականատերերը կարող են գրանցվել: Այսօրվա դրությամբ քաղաքապետարանին է ներկայացվել 118 դիմում: 28 լիցքավորիչ արդեն տեղադրվել է որոշակի վայրերում, իսկ 12-ը կտեղադրվի մի քանի օրվա ընթացքում: Հարկ է նշել, որ մեկ տարի անց լիցքավորողների օգտագործումը վճարովի կդառնա: Գինը կորոշվի աճուրդը հրապարակելուց հետո և մենք կունենանք հաղթող ընկերություն», — ասել է Կալաձեն:
Թբիլիսիի քաղաքապետը կոչ է արել էլեկտրական մեքենաների սեփականատերերին ակտիվ լինել, քանի որ լիցքավորիչներ տեղադրելու առաջնահերթությունը կտրվի այն վայրին, որտեղի բնակչությունն ավելի շատ պահանջ ունի:
