ISET հետազոտական ​​ինստիտուտի և PMC վերլուծական կենտրոնի հետազոտության համաձայն, Վրաստանում ազարտային խաղերի մասնաբաժինը էլեկտրոնային առևտրի ընդհանուր ծավալում բավականին բարձր է:

Հետազոտությունը վերլուծել է 2021-2022 թվականների տվյալները, որոնցից պարզ է դառնում, որ երկրում առցանց գործարքների 58,1 տոկոսը բաժին է ընկնում ազարտային խաղերին:

2021 թվականի դեկտեմբերին Վրաստանի խորհրդարանի կողմից ազարտային խաղերի նոր սահմանափակումների հաստատումից հետո խաղային գործարքները բացասական ցուցանիշ են ունեցել։

Տարեկան կտրվածքով գործարքների թիվը նվազել է 14.5 տոկոսով, իսկ գործարքների ընդհանուր արժեքի անկումը կազմել է 9.6 տոկոս: Արդյունքում 2022 թվականին ազարտային խաղերի մասնաբաժինը էլեկտրոնային գործարքների ընդհանուր ծավալում կազմել է 58,1 տոկոս, մինչդեռ 2021 թվականին այն կազմել է 70,5 տոկոս։ Չնայած վերջին տարիներին ազարտային խաղերի մասնաբաժնի նվազմանը, էլեկտրոնային առևտրի գործարքներում ոլորտի աճի տեմպերը հստակ տեսանելի են։