Կոբա Փարթենաձեն հայտնել է, որ Բաթումիի Եվրոպայի հրապարակում օգոստոսի 16-ին դարձյալ ենթարկվել է հարձակման։

Ներքին գործերի նախարարությունից «Բաթումելեբի»-ին հայտնել են, որ նշված փաստի առթիվ ընթանում է քննություն։

Կոբա Փարթենաձեն օդերևութաբան և հեռուստահաղորդավար է։ Նրա վրա հարձակվել էին նաև մի քանի օր առաջ։ 2026 թվականի օգոստոսի 10-ին նրա տարածած տեսանյութում երևում է, թե ինչպես է փողոցում մի տղամարդ սպառնում դանակահարել իրեն։ Նույն անձը ծաղրել է Կոբա Փարթենաձեի «ներկած մազերը» և օգտագործել այլ վիրավորական ու խտրական տերմիններ։ Փարթենաձեն ասել էր, որ այդ դեպքից առաջ իր նկատմամբ բռնություն է կիրառվել նաև այլ վայրում, և դա առաջին դեպքը չէ, երբ իր վրա հարձակվում են։ Այս փաստով 2 անձ էր ձերբակալվել։

Օգոստոսի 12-ին Բաթումիի քաղաքային դատարանում դատավոր Էկատերինե Կուլուլաշվիլին «Կոբա Փարթենաձեի նկատմամբ խտրական հիմքով բռնության և սպառնալիքի գործով» մեղադրյալ երկու անձանց նկատմամբ որպես խափանման միջոց է կիրառել գրավը և չի կալանավորել նրանց։

Նշված փաստով քննությունն ընթանում է Քրեական օրենսգրքի 126-րդ և 151-րդ հոդվածներով։