Վրաստանի հաղորդակցության հանձնաժողովը (ComCom) Magticom, Silknet, «Ախալի քսելեբի» և «Վրաստանի կենտրոնական կապի կորպորացիա» ընկերությունների բողոքների հիման վրա տուգանել է վեց հեռարձակողի՝ յուրաքանչյուրին խորհրդանշական 100-ական լարիով։

Հանձնաժողովը պարզել է, որ Media Rights Georgia-ն, «Տելեիմեդին»-ը, «Մթավարի արխին», TV Pirveli-ին, POSTV-ին, «Ֆորմուլա»-ն և Media Holding-ը խախտել են «Վրաստանի մրցակցության մասին» օրենքի 7-րդ հոդվածը, որը վերաբերում է մրցակցությունը սահմանափակող համաձայնագրին, որոշմանը կամ համաձայնեցված գործողությանը, այսպես կոչված կարտելային գործարքին։

Ըստ հանձնաժողովի հաղորդագրության՝ ելնելով գործի նախադեպերից, քանի որ հանձնաժողովն առաջին անգամ գործը քննել է «Մրցակցության» օրենքով, տուգանքի չափը սահմանվել է խորհրդանշական չափով։ Ինչպես նշվում է կապի հանձնաժողովի տարածած հաղորդագրության մեջ, հանձնաժողովը գնահատել է հեռարձակողների և միջնորդ ընկերության միջև կնքված պայմանագիրը 18-ամսյա հետաքննության հիման վրա, որը սահմանել է հեռարձակման տրանզիտի իրավունքի փոխանցման ծառայության միասնական գին։

Հանձնաժողովի պարզաբանմամբ՝ մրցակից հեռարձակողների միջև գնի (սակագնի սահմանման) համաձայնությունը սահմանափակում է մրցակցությունը և հակասում է «Մրցակցության մասին» Վրաստանի օրենքի 7-րդ հոդվածին։ Տուգանքի հետ մեկտեղ հանձնաժողովը կողմերի վրա պարտավորություն է դրել 1 ամսվա ընթացքում չեղյալ համարել ապօրինի պայմանագիրը։