Վրաստանի արտաքին գործերի նախարար Իլիա Դարչիաշվիլին շնորհավորել է դիվանագետի օրվա կապակցությամբ։
Նրա խոսքով, այդ տոնը ևս մեկ անգամ հիշեցնում է վրացական դիվանագիտության հարուստ փորձի և այն հատուկ առաքելության մասին, որը դիվանագիտությունը միշտ ունեցել է Վրաստանում։
«Խորհրդանշական է, որ այս տոնը նշում ենք վրացի մեծ հասարակական գործիչ, դիվանագետ Սուլխան-Սաբա Օրբելիանիի ծննդյան օրը՝ դրանով իսկ ընդգծելով մեր երկրի արտաքին քաղաքականության հիմնաքարը և վրաց ազգի պատմական ընտրությունը՝ եվրոպական ընտանիքի լիիրավ անդամակցություն», — ընդգծել է փոխվարչապետը։
Տոնի կապակցությամբ նախարարը նաև շնորհավորել է այլ երկրներում Վրաստանի դեսպաններին․ «Ցանկանում եմ ողջունել արտերկրում Վրաստանի դիվանագիտական ներկայացուցչությունների աշխատակիցներին և հայրենիքից ու ընտանիքից հեռու` երկրի շահերը պաշտպանող յուրաքանչյուր դիվանագետի»։
