Այս տարվա սեպտեմբերին միջազգային ճամփորդություններից ստացված եկամուտը կազմել է 375 միլիոն 615 հազար 194 ԱՄՆ դոլար, ինչը 17,9 տոկոսով (56 միլիոն 982 հազար 269 ԱՄՆ դոլար) գերազանցում է 2019 թվականի նույն ժամանակվա ցուցանիշը։

Զբոսաշրջության ազգային վարչությունը հրապարակում է վիճակագրական տվյալներ և նշում, որ 2022 թվականի սեպտեմբեր ամսին միջազգային ճանապարհորդություններից ստացված եկամուտը գերազանցել է 2019 թվականի ցուցանիշը։

«Զբոսաշրջային հոսքերի աճի արդյունքում 2022 թվականի հունվար-սեպտեմբեր ամիսներին Վրաստանը միջազգային ճանապարհորդություններից (զբոսաշրջությունից) ստացել է 2,5 միլիարդ դոլարի եկամուտ։ 2021 թվականի հունվար-սեպտեմբերի համեմատ միջազգային այցելություններից ստացված եկամուտներն աճել են +1,651,528,684 (+190,8%) ԱՄՆ դոլարով», — ասվում է հաղորդագրության մեջ։