«Մեկ դիմակ, մեկ կյանք» նախաձեռնությանը միացել է Թբիլիսիում բնակվող հայ անհատ ձեռներեցներից մեկը:
«VAM ՍՊԸ»-ի տնօրեն Վարդան Մանուչարյանը 3000 դիմակ է նվիրաբերել ՀՀ-ին, որոնք շուտով Հայաստանում կլինեն ու կտրամադրվեն այն խմբերին, որոնք դրանց կարիքն առավել շատ ունեն:
Հիշեցնենք՝ նախօրեին մի քանի վիրահայերի նախաձեռնությամբ մեկնարկել է «Մեկ դիմակ, մեկ կյանք» դրամահավաքը, արդեն որոշ թբիլիսահայեր փոխանցումներ են արել, (GE03BG0000000345892183, ստացող` Արշակ Բադալյան) հավաքված գումարին դիմակներ են գնվելու և տրամադրվելու ՀՀ-ում բնակվող սոցիալապես անապահով ընտանիքներին:
Զուգահեռ շարունակվում է թթվածնային կոնցենտրատորների գնման գործընթացը: Վրաստանաբնակ հայերի միջոցով այսօր ևս 17 սարք է գնվելու, որոնք նախօրեին ձեռք բերված 10 միավորին կավելացվի և կուղարկվի Հայաստան:
«Մեկ դիմակ, մեկ կյանք». Վիրահայերը դրամահավաք են սկսել ՀՀ-ի համար
Թբիլիսիից շնչառական սարքեր են ուղարկվում Հայաստան. Լուսանկարներ
