Վրաստանի հետ օդահաղորդակցության վերականգնումից հետո ռուսաստանցիներից թռիչքների և հյուրանոցների ամրագրման պահանջարկն աճել է 7 անգամ, գրում է BusinessPressNews-ը՝ վկայակոչելով Yandex Travel ծառայությանը:

Ծառայությունից օգտվողները ծրագրում են միջինը 7-օրյա ճանապարհորդություն դեպի Վրաստան։ Հատկանշական է, որ ռուսների մեծամասնությունը հետաքրքրված է ամռանը Վրաստան այցելությամբ: Առայժմ երկու ուղղություններով թռիչքների արժեքը ամառային տրանսֆերտով սկսվում է 40 հազար ռուբլուց (525 դոլար) մեկ ուղևորի համար։

Նաև Վրաստանում աճում է հետաքրքրությունը հյուրանոցների ամրագրման նկատմամբ, իսկ Թբիլիսին ամենահայտնի քաղաքն է ճանապարհորդության համար:

Ճամփորդությունների պլանավորման OneTwoTrip ծառայության տվյալներով, ՌԴ նախագահ Վլադիմիր Պուտինի հրամանագրի հրապարակման օրը, այսինքն՝ մայիսի 10-ին, դեպի Վրաստան ավիատոմսերի պահանջարկը եռապատկվել է, իսկ վրացական հյուրանոցներում տեղավորման պահանջարկը՝ օրական 1,5 անգամ։

Ի դեպ, մայիսի 10-ին հայտնի դարձավ, որ ՌԴ նախագահ Վլադիմիր Պուտինի նոր հրամանագրով Ռուսաստանը հանել է 2019 թվականի հունիսի 20-ի իրադարձություններից հետո Վրաստան ուղիղ չվերթնրի սահմանափակումը, բացի այդ, Ռուսաստանը չեղարկել է Վրաստանի քաղաքացիների համար վիզային ռեժիմը։

Ռուսաստանի այս որոշումը Թբիլիսիում այլ կերպ ընդունվեց. իշխող կուսակցության առաջնորդները և կառավարության ներկայացուցիչները ողջունում են Պուտինի որոշումը, մինչդեռ ընդդիմությունը և մեծ թվով անկախ փորձագետներ կարծում են, որ Ռուսաստանը «պարգևատրեց» Վրաստանի կառավարության գործողությունները։

Որոշ փորձագետներ կարծում են, որ Ռուսաստանի այս որոշումը սպառնալիք է Վրաստանի՝ Եվրամիությանն ինտեգրվելու համար և կխանգարի Վրաստանին դառնալ ԵՄ անդամության թեկնածու երկիր։

Նախագահ Սալոմե Զուրաբիշվիլին Ռուսաստանի որոշումները սադրանք է անվանել և կառավարությանը կոչ է արել Ռուսաստանի քաղաքացիների համար եռամսյա վիզային ռեժիմ մտցնել։