«Ալիք Մեդիան» «Վրաստան» թերթի հետ համագործակցության շրջանակներում շաբաթական կտրվածքով ներկայացնում է թերթում տեղ գտած գլխավոր նորություններից հատվածներ:
Իրակլի Ղարիբաշվիլի. «Վրաստանը տարածաշրջանում ամենամեծ տարանցիկ ու տրանսպորտային ներուժ ունեցող երկիրն է»
Հունվարի 29-ին կայացավ Փոթիի ծովային նոր նավահանգստի բացման պաշտոնական արարողությունը: Միջոցառմանը ներկա էին Վրաստանի վարչապետ Իրակլի Ղարիբաշվիլին, Վրաստանի կառավարության եւ խորհրդարանի անդամներ, Վրաստանում հավատարմագրված դիվանագիտական կորպուսի, հասարակական կազմակերպությունների, լրատվամիջոցների ներկայացուցիչներ:
Իր խոսքում, Վրաստանի վարչապետն առանձնակի կարեւորեց տրանսպորտային նոր ենթակաույցի ռազմավարական նշանակությունը ինչպես երկրի էկոնոմիկայի, այնպես էլ՝ Վրաստանի հա- մար տրանսպորտային տարանցիկ երկրի կարգավիճակի ամրապնդման գործում: — Ինձ համար մեծ պատիվ է լինել այստեղ՝ Վրաստանի Սեւ ծովի դարպասների մոտ՝ Փոթիում եւ խոսել ձեր առջեւ։ Ինչպես գիտեք, 2020 թվականից Փոթիում նոր նավահանգստի լայնածավալ շինարարություն է իրականացնում «Pays» ընկերությունը, որը չափազանց կարեւոր ծրագիր է տարածաշրջանի համար։ Ներդրումների ընդհանուր ծավալն այսօրվա դրությամբ կազմում է 93 մլն դոլար, որը երկու փուլերի ավարտից հետո՝ կաճի մինչեւ 120 մլն դոլար։ Հատկապես կցանկանայի նշել նախագծում մեր հիմնական ռազմավարական գործընկերոջ՝ ԱՄՆ-ի ներգրավվածությունը։ Մասնավորապես, ԱՄՆ Դաշնային կառավարության Միջազգային ֆինանսական զարգացման կորպորացիան (DFC) հատկացրել է 50 միլիոն դոլարի ֆինանսավորում, ինչը եւս մեկ վկայություն է, որ Վրաստանը գրավիչ երկիր է օտարերկրյա ներդրումների համար, եւ որ այն ամենամեծ տարանցիկ եւ տրանսպորտային ներուժ ունեցող երկիրն է տարածաշրջանում,- ելույթ ունենալով նավահանգստի բացման արարողությանը, նշեց վարչապետը։ Նշենք, որ նոր նավահանգստի կառուցումն իրականացվել է «Pays Group»-ի եւ ԱՄՆ Միջազգային զարգացման ֆինանսական գործակալության (DFC) համատեղ ջանքերով։ Գերատեսչությունում նշում են, որ նոր նավահանգիստը Վրաստանի ծովային ոլորտում երբեւէ իրականացված խոշորագույն նախագծերից մեկն է, եւ դրա արժեքը հասնում է 120 միլիոն դոլարի։ «Pays Group»-ը տարածաշրջանում ամենամեծ տրանսպորտային ընկերությունն է, որի տարեկան միջին բեռնաշրջանառությունը գերազանցում է երեք միլիոն տոննան։ «Pays Group»-ում աշխատում է ավելի քան 1000 մարդ
Միխեիլ Չխենկելի. դպրոցների աշխատակիցների 73.6 տոկոսը պատվաստվել է
Ինչպես հայտարարեց Վրաստանի կրթության եւ գիտության նախարար Միխեիլ Չխենկելին, դպրոցական տարածքում ուսումնական գործընթացի վերսկսմամբ ուսուցիչների եւ վարչական անձնակազմի թեստավորման գործընթացն ընթանում է ինտենսիվ կարգով։
Նինոծմինդայի նոտար Ռոման Կոստանյանին շնորհվել է «պատվավոր նոտար»-ի կոչում
Հունվարի 29-ին անցկացվեց Վրաստանի արդարադատության նախարարությանն առընթեր նոտարների պալատի ընդհանուր ժողովը։
