2020 թվականի հոկտեմբերին Վրաստանում կայանալիք խորհրդարանական ընտրությունների համար պետբյուջեից կհատկացվի 42 760 752 լարի:
Ընտրությունների անցկացման համար անհրաժեշտ ծախսեր հատկացնելու վերաբերյալ Վրաստանի կառավարությունը հատուկ որոշում է ընդունել:
Հատկացված գումարից աշխատավարձերի համար կտրվի 19 531 295 լարի, ընտրական սուբյեկտների ներկայացուցիչների ֆինանսավորման համար՝ 7 238 050 լարի, իսկ ընտրական սուբյեկտի հեռուստատեսային գովազդի տեղադրման համար կհատկացվի 2 111 674 լարի:
Հիշեցնենք՝ 2016 թվականի խորհրդարանական ընտրություններին բյուջեից հատկացվել էր 38 136 230 լարի, այսինքն ավելի քան 4 մլն լարիով պակաս, քան 2020 թվականին:
