Եվրոպական դիվանագիտական առաքելությունների ղեկավարները՝ Վրաստանում Եվրամիության անդամ երկրների դեսպանները, երկրի Անկախության օրվա առթիվ շնորհավորական հայտարարություններ են տարածել։
Եվրոպացի դիվանագետներն իրենց հայտարարություններում վերահաստատել են իրենց աջակցությունը Վրաստանի բնակչությանը, որն աջակցում է երկրի եվրոպական կուրսին։
Վրաստանում Գերմանիայի դեսպան Պիտեր Ֆիշերը գրել է.
«1918 թվականի մայիսի 26-ը վրաց ժողովրդի՝ ազատության և ժողովրդավարության ձգտման խորհրդանիշն է։ Այսօր, ինչպես և այն ժամանակ, Գերմանիան կանգնած է նրանց կողքին, ովքեր աջակցում են ազատ, խաղաղ և եվրոպական Վրաստանին։ Շնորհավո՛ր Անկախության օրդ, Վրաստա՛ն»:
