Վրաստանի հիվանդությունների վերահսկման ազգային կենտրոնի ղեկավար Ամիրան Գամկղրելիձեի խոսքով, երկրում առկա կորոնավիրուսի դեմ պատվաստանյութերը արդյունավետ են աշխատում նաև նոր շտամների դեմ (BA.4/BA.5):
Վրաստանի պետական գույքի գործակալության տեղեկություններով՝ աճուրդով վաճառվում են Ծկղալտուբոյի նախկին առողջարանները։
Կառուցվում է Վրաստանի բարձրլեռնային շրջանում՝ Աջարիայում ծովի մակարդակից 2 236 մետր բարձրության վրա գտնվող միջնադարյան Խիխանի ամրոց տանող ճանապարհը։
Վրաստանի ազգային բանկի տվյալներով՝ 2022 թվականի մայիսին Ռուսաստանից Վրաստան է փոխանցվել 313,90 մլն դոլար, ինչը 888 տոկոսով ավելի է՝ համաձայն փոխանցվող ծավալների տարեկան աճի տեմպերի։
Եվրախորհրդարանի պատգամավոր Մայքլ Գալերն արձագանքում է «Վրացական երազանք» իշխող կուսակցության նախագահ Իրակլի Կոբախիձեի հայտարարությանը, ըստ որի` եթե Վրաստանում պատերազմ սկսվի մինչև դեկտեմբերի վերջը, ապա երկրին կտրվի Եվրամիության կարգավիճակ։
Ուկրաինայի խորհրդարանի «Սլուգա նարոդա» կուսակցության նախագահ Դավիթ Արախամիան` TV Pirveli հեռուստատեսությանը տված հարցազրույցում, հայտարարել է, որ առաջիկա պատժամիջոցների փաթեթում դիտարկվելու են Բիձինա Իվանիշվիլիի և նրա շրջապատի անձանց դեմ պատժամիջոցները։
Եվրոպական ժողովրդական կուսակցությունից (ԵԺԿ) Եվրախորհրդարանի պատգամավոր Միրիամ Լեքսմանի կարծիքով` ժամանակն է, որ Վրաստանի կառավարությունը լծվի գործի` արդարանալու փորձերի փոխարեն։
ԵԱՀԿ խորհրդարանական վեհաժողովը Բրիտանիայի Բիրմինգհեմ քաղաքում 29-րդ նստաշրջանի ամփոփ բանաձևում գրել է Ռուսաստանի կողմից վրացական տարածքների օկուպացիայի հետևանքների մասին։
«Դրոա» կուսակցության ղեկավար Էլենե Խոշտարիան հայտարարել է, որ միջազգային գործընկերների հետ կաշխատի Բիձինա Իվանիշվիլիի և օլիգարխիկ համակարգի գլխավոր հենարանի նկատմամբ պատժամիջոցներ կիրառելու ուղղությամբ։
«Վրացական երազանքի» նախագահ Իրակլի Կոբախիձեն հայտարարել է, որ իշխող թիմը կհամաձայնի նվազեցնել խորհրդարանական ընտրությունների 5 տոկոսի շեմը, եթե Եվրամիությունը Վրաստանին թեկնածուի կարգավիճակ շնորհի։
Եվ վերջում՝ Ազգային բանկի հրապարակած տվյալների համաձայն՝ սակարկությունների արդյունքում 1 դոլարի արժեքը դարձել է 2,9119 լարի, իսկ եվրոյի փոխարժեքը կազմում է 2,9690 լարի։
