Վրաստանի էկոնոմիկայի և կայուն զարգացման նախարար Լևան Դավիթաշվիլին՝ վերականգնվող էներգիայի ոլորտում ներդրումների մասին համաժողովի իր ելույթում ասել է, որ Վրաստանի էներգետիկ համակարգը գտնվում է զարգացման ակտիվ փուլում։
Նախարարի խոսքով՝ բարեփոխումները հիմնականում պայմանավորված են Եվրամիության հետ ստորագրված Ասոցացման համաձայնագրով և երկրի՝ Էներգետիկ միությանն անդամակցությամբ։
Ըստ Դավիթաշվիլիի՝ դա նշանակում է Վրաստանի էներգետիկ համակարգի զարգացում, որն էլ ավելի կմերձեցնի նրան եվրոպական սկզբունքներին։
Նախարարի խոսքով՝ վրացական օրենսդրությունը, Ասոցացման համաձայնագրի համաձայն, կհամապատասխանի եվրոպական հրահանգներին, որոնք կսահմանեն ավելի ազատական և թափանցիկ շուկայական հարաբերություններ էներգետիկ ոլորտում։
Ըստ էկոնոմիկայի նախարարի` Վրաստանը ձգտում է դառնալ Արևմտյան ժողովրդավարական աշխարհի մաս, Եվրամիության ու ՆԱՏՕ-ի անդամ, և այս նպատակներին հասնելու կարևոր նախապայմաններից է երկրի էներգետիկ անվտանգության բարելավումը։
«Էներգետիկ անվտանգության բարելավումը վերականգնվում է որակյալ էներգիայի աղբյուրների մշակման միջոցով, որպեսզի երկրում զարգացող էներգիայի հուսալի ու շարունակական մատակարարումը մատչելի գնով ապահովվի բոլոր սպառողների համար։
2022 թվականի սեպտեմբերից Վրաստանի էներգետիկ բորսան ամբողջությամբ կգործի, որի նպատակը թափանցիկ և մրցակցային միջավայրի ապահովումն է էլեկտրաէներգիայի շուկայի արդյունավետ գործունեության համար, ինչպես նաև շուկայի առկա և հավանական մասնակիցներին ճիշտ գնային ազդանշանների տրամադրումը»,- ասել է Դավիթաշվիլին։
