Վրաստանի արդարադատության նախարարությունը փոփոխություններ է կատարել քրեակատարողական հիմնարկների կանոնակարգում՝ ամբողջությամբ հրաժարվելով կալանավորներին խուզարկելիս մերկացնելու պրակտիկայից։ Սա բխում է Սահմանադրական դատարանին հղած արդարադատության նախարարության նամակից, հայտնել է Հանրային պաշտպանի գրասենյակը։

Նշված է նաև, որ փոփոխություններն ուժի մեջ են մտել արդարադատության նախարարի 2025 թվականի հունիսի 10-ի հրամանների հիման վրա։ Նորամուծությունները վերաբերում են 2-րդ, 3-րդ, 6-րդ, 8-րդ, 11-րդ, 14-րդ, 15-րդ, 16-րդ, 17-րդ և 18-րդ հիմնարկներում գործող դրույթներին։ Նախկինում այս բանտերի կանոնակարգը նախատեսում էր խուզարկության նպատակով մեղադրյալների և դատապարտյալների լիակատար մերկացում լիազորված աշխատակիցների պահանջով։

Այս դրույթների վերանայումը նախաձեռնել է օմբուդսմենը։ 2025 թվականի փետրվարի 5-ին նա համապատասխան հայց է ներկայացրել Սահմանադրական դատարան՝ նշելով, որ այս պրակտիկան հակասում է երկրի հիմնական օրենքի դրույթներին։