Վրաստանի ներքին գործերի նախարարության տվյալներով՝ Քվեմո Քարթլիի ոստիկանության դեպարտամենտի Մառնեուլիի շրջանային բաժնի աշխատակիցները ձերբակալել են 2008 թվականին ծնված Ն.Ի.-ին, որը բազմիցս մեղադրվել է խմբակային գողության համար, ձերբակալվել է նաև Ն.Ի.-ի եղբայրը։

«Քննությունը պարզել է, որ այս տարվա դեկտեմբերի 14-ի գիշերը մեղադրյալներն անօրինական կերպով մուտք են գործել Մառնեուլիի բջջային հեռախոսների խանութ, որտեղից գողացել են 8 թանկարժեք բջջային հեռախոս։

Քննությունը նաև պարզել է, որ մեղադրյալները գողացված հեռախոսների մի մասը վաճառել են համագյուղացիներին, իսկ մնացածը հանձնել են տարբեր խանութների։

Իրավապահ մարմինների աշխատակիցները որպես ապացույց առգրավել են 4 գողացված բջջային հեռախոս», — ասված է նախարարության հաղորդագրության մեջ։

Քննությունը շարունակվում է Քրեական օրենսգրքի 177-րդ հոդվածի 2-րդ և 3-րդ մասի ենթակետերով, որոնք նախատեսում են մինչև 7 տարի ազատազրկում։