Թբիլիսիում պաշտոնական այցով գտնվող ՀՀ վարչապետ Նիկոլ Փաշինյանը սոցիալական ցանցում գրել է, որ ոչ պաշտոնական միջավայրում հանդիպել է Վրաստանի վարչապետ Իրակլի Կոբախիձեին։ Գրառմանը կից նա հրապարակել է համապատասխան տեսանյութ։

Երեկ՝ 2026 թվականի մարտի 3-ին, ՀՀ վարչապետ Նիկոլ Փաշինյանը, ուղեկցող պատվիրակության հետ միասին, աշխատանքային այցով ժամանել է Վրաստան։ Թբիլիսիի միջազգային օդանավակայանում նրան դիմավորել է Մակա Բոչորիշվիլին։

Արտգործնախարարության հաղորդմամբ՝ այցի շրջանակներում նախատեսված էր Իրակլի Կոբախիձեի և Նիկոլ Փաշինյանի դեմառդեմ հանդիպումը։

Նաև, ըստ նախարարության, Վրաստան-Հայաստան տնտեսական համագործակցության միջկառավարական հանձնաժողովի 15-րդ նիստի շրջանակներում կստորագրվի երկրների միջև տնտեսական համագործակցության միջկառավարական հանձնաժողովի արձանագրություն։

Նախատեսված է նաև Մակա Բոչորիշվիլիի և ՀՀ արտաքին գործերի նախարար Արարատ Միրզոյանի հանդիպումը։