Եվրոպական միության Արտաքին գործողությունների ծառայությունը (EEAS) հրապարակել է «Մարդու իրավունքները և ժողովրդավարությունը աշխարհում» զեկույցը, որը դիտարկում է 2025 թվականի իրավիճակը:
Փաստաթուղթը գնահատել է ԵՄ անդամ երկրներում և ԵՄ անդամակցության թեկնածու երկրներում տիրող իրավիճակը:
Զեկույցի Վրաստանի մասին գլխում նշված է.
«Մարդու իրավունքները խիստ սահմանափակվել են բռնաճնշումներով և օրենքներով, որոնք սահմանափակում են հիմնարար իրավունքները, դրանց թվում՝ հավասարության և խտրականության դեմ պայքարի, խոսքի ազատության, հավաքների և միավորումների իրավունքները, նաև անձնական և ընտանեկան կյանքի իրավունքները, ազատության և անվտանգության իրավունքները:
2025 թվականին ցուցարարների նկատմամբ իրավապահ մարմինների վատ վերաբերմունքը, որոշ դեպքերում՝ խոշտանգումները և նվաստացուցիչ վերաբերմունքը լայնորեն գործի են դրվել: Ոչ մի մեղավոր չի պատժվել, ինչը նպաստել է անպատժելիության մթնոլորտի ստեղծմանը: Ցուցարարների և լրագրողների նկատմամբ կամայական կալանքի, նախնական կալանքի չափազանցված կիրառման և անհամաչափ խիստ պատժի դեպքերը մտահոգություններ են առաջացնում արդար դատաքննության իրավունքի վերաբերյալ: Ցուցարար կանանց նկատմամբ իրավապահ մարմինների աշխատակիցների գործադրած ֆիզիկական բռնության, «սեռական ոտնձգությունների և բռնաբարության կամ սպանության սպառնալիքների» դեպքերը ևս չեն քննվել», — նշված է հաղորդագրության մեջ:
